ഗൾഫിൽ സ്വദേശിവത്ക്കരണം വിദേശികൾക്ക് തിരിച്ചടിയാകുന്നില്ല; യോഗ്യതാ നിലവാരം ഉയർത്തുന്നതായി പഠനം

ഗൾഫ് രാജ്യങ്ങളിലെ സ്വദേശിവത്ക്കരണ നയങ്ങൾ പ്രവാസികളുടെ തൊഴിലവസരങ്ങൾ പൂർണ്ണമായി ഇല്ലാതാക്കുന്നില്ലെന്ന് ആഗോള വർക്ക്ഫോഴ്‌സ് സൊല്യൂഷൻസ് സ്ഥാപനമായ 'ടാസ്‌ക് ഔട്ട്‌സോഴ്‌സിംഗ്' തയ്യാറാക്കിയ പഠന റിപ്പോർട്ട് വ്യക്തമാക്കുന്നു. യുഎഇ, സൗദി അറേബ്യ (നിതാഖാത്), ഒമാൻ, കുവൈറ്റ് തുടങ്ങിയ രാജ്യങ്ങൾ നടപ്പിലാക്കുന്ന പ്രാദേശികവത്ക്കരണ പദ്ധതികൾ വിദേശികൾക്കുള്ള അവസരങ്ങൾ കൊട്ടിയടയ്ക്കുകയല്ല, മറിച്ച് തൊഴിൽ വിപണിയിലെ യോഗ്യതാ മാനദണ്ഡങ്ങൾ ഉയർത്തുകയാണ് ചെയ്യുന്നത്.

രാജ്യങ്ങളുടെ സാമ്പത്തിക അടിത്തറ ശക്തമാക്കുന്നതിനൊപ്പം തദ്ദേശീയർക്ക് കൂടുതൽ അവസരങ്ങൾ നൽകുകയാണ് ഈ നയങ്ങളുടെ പ്രധാന ലക്ഷ്യം. എങ്കിലും പ്രവിശ്യാ സമ്പദ്‌വ്യവസ്ഥ കുതിച്ചുയരുന്ന സാഹചര്യത്തിൽ ആർട്ടിഫിഷ്യൽ ഇന്റലിജൻസ്, ഹെൽത്ത്‌കെയർ, സാങ്കേതികവിദ്യ, ടൂറിസം, ഫിനാൻഷ്യൽ സർവീസസ് എന്നീ മേഖലകളിൽ ഉയർന്ന നൈപുണ്യമുള്ള വിദേശ പ്രൊഫഷണലുകൾക്ക് ഇപ്പോഴും വലിയ സാധ്യതകളാണുള്ളത്.

സാധാരണ ജോലികൾ സാങ്കേതികവിദ്യയും എഐയും ഏറ്റെടുക്കുന്നതോടെ, പ്രാദേശികമായി ലഭ്യമല്ലാത്ത പ്രത്യേക കഴിവുകളോ ആഗോള പരിചയസമ്പത്തോ ഉള്ളവർക്കായിരിക്കും ഇനി മുൻഗണന ലഭിക്കുക. തദ്ദേശീയരായ ജീവനക്കാർക്ക് ആവശ്യമായ പരിശീലനം നൽകാനും സ്ഥാപനങ്ങളുടെ വളർച്ച വേഗത്തിലാക്കാനും ശേഷിയുള്ള വിദഗ്ദ്ധരെയാണ് കമ്പനികൾ തിരയുന്നത്. ചുരുക്കത്തിൽ, ഉദ്യോഗാർത്ഥിയുടെ രാജ്യത്തേക്കാൾ ഉപരി അവരുടെ വ്യക്തിഗത മികവിനും കഴിവുകൾക്കുമായിരിക്കും വരും നാളുകളിൽ ഗൾഫ് വിപണിയിൽ പ്രഥമ പരിഗണന.

Content Highlights: A new report says workforce nationalisation programmes across the UAE and GCC are raising skill requirements for expatriates rather than shutting them out of the job market.